Category: Albistea

  • Emozioaren magia.

    Emozioaren magia.

    Urriaren azken astean, bi emanaldi gogoangarri bizi izan genituen, kulturaren eta artearen bitartez emozioak eta hausnarketak sortzeko ahalmena nabarmentzen dutenak.

    Loraldia Plaza egitasmoaren barruan, Arrigorriagan aurkeztutako LAU EME lanak emakumeen historiari buruzko ikuspegi sakon eta hunkigarria eskaini zuen. Aldi berean, Lasarteko Manuel Lekuona Kultur Etxean, UR BIZTAN lanak azken aldiz agurtu zuen bere publikoa, dokumental eta dantza-emanaldi paregabe baten bidez.

    Bi ekitaldiok dantzaren edertasuna eta sormenaren indarra ospatu zituzten, ikusleengan emozio eta oroitzapen ahaztezinak utziz.

     

    Emakumeen Historiaren Magia Loraldia Plazan

    Urriaren 24an, Arrigorriagako Abusu Kultur Zentroan izan ginen Loraldia Plaza kultur egitasmoaren barruan. Bertan, LAU EME lanak bere magia berezia erakutsi zuen, eta ikusleen artean zirrara sakona eragin zuen.

    Emakumeen historiaren berrikuspenaren bidez, hausnarketarako gune bat sortzea izan zen lan honen helburu nagusia. Emanaldiak, hitzen, gorputzaren eta emozioen bidez, publikoari gogoeta egiteko eta ikuspegi berriak zabaltzeko aukera eskaini zion. Ez zuen hutsik egin, eta bertaratu zirenak guztiz liluratuta geratu ziren.

    Loraldia Plazak beste behin ere kulturaren indarra eta garrantzia agerian utzi ditu, eta LAU EME lana ekimen honen barruan benetako protagonista bilakatu zen.

     

    Ur Bizitan agur esanez

    Ez ziren bi egun besterik igaro, urriaren 26an Lasarteko Manuel Lekuona Kultur Etxean UR BIZTAN lanaren azken emanaldia eskaini genuen arte. Ekitaldiari hasiera emateko, ikus-entzuleek lanaren jatorria eta sormen prozesua erakusten dituen dokumental ederra ikusteko aukera izan zuten. Une horrek dantzaren testuingurua ulertzeko eta sortzailearen ikuspegia sakonago ezagutzeko aukera paregabea eskaini zigun, eta oro har, esperientzia guztiz hunkigarria izan zen.

    Emanaldia, aurrekoetan bezala, zoragarria izan zen. Publikoaren erantzun beroak, txalo zaparradek eta emozioz beteriko isiltasunek agerian utzi zuten lanak eragindako zirrara. Eszenatokian bizi izandako momentuak benetan ahaztezinak izan ziren, eta ziur gaude oroitzapen horiek gure memorian luzaroan gordeko ditugula.

    Musikaren alorrean, albiste pozgarria partekatu nahi dugu: Pascal Gaigne musikari bikainaren gidaritzapean, emanaldi honetan entzundako piezak estudioan grabatzen ari dira. Laster, doinu inspiratzaile horiek gure musika-zerrendetan izango ditugu eskuragarri. Horrek aukera emango digu dantza-lan honetako atmosferara itzultzeko eta egunero inspirazioa aurkitzeko.

     

  • Azken ikastaroak.

    Azken ikastaroak.

    Urtea amaierara iristen ari den honetan, Dantzagunean eskaintzen ditugun ikastaroen programazioa ere azken txanpan sartzen ari da. Gure helburua beti izan da kalitatezko formakuntza eta inspirazioa eskaintzea, eta pozik gaude azken hilabete hauetan ere maila goreneko dantzari eta koreografoak gurera ekartzeagatik. Urteko azken hilabeteetan, azken ikastaroak prestatu ditugu, eta oraindik aukera paregabeak dituzue gurekin bat egiteko. Ez galdu dantzaren profesionalik onenetatik ikasteko aukera hau!

     

    Azaroa: Adrian Manzano Dantzagunean

    Aste honetan, aukera aparta izango dugu Adrian Manzano dantzari eta koreografo andaluziarra gure artean izateko. Daniel Abreu, Itxaso Alvarez eta Arnau Perez bezalako konpainia ospetsuekin lan egin duen artista honek, dantza garaikidearen eszenan esperientzia eta inspirazioa eskainiko dizkigu. Gaur egun, gainera, Aitana abeslari ezagunaren koreografo ofiziala da, eta bere lanak ikusgarritasun handia lortu du nazioartean.

    Adriánek eskainiko duen ikastaro honek harrera bikaina izan du, eta plazak guztiz bete dira dagoeneko. Honek erakusten digu, beste behin ere, dantzaren inguruan dagoen interesa eta komunitatearen motibazioa. Plazarik gabe geratu bazara, ez kezkatu, abenduan ere aukera ezin hobea izango dezu.

    Abendua: Lucia Maroten ikastaroa

    Datorren hilabetean, abenduan, Lucia Marotek eskainiko duen ikastaroa nabarmendu nahi dugu. Madrilen finkatutako Kostarikar jatorriko dantzari eta koreografoa da Lucia, eta bere ibilbideak nazioarteko erreferente bihurtu du dantza garaikidean. Bere ikastaroan, Flying Low teknikan oinarritutako ariketak egingo dira hasieran, eta inprobisazioaren bidez ikuspegi sortzaile eta pertsonalago batera igaroko da. Honek dantzari bakoitzari bere sormen-gaitasunak eta gorputzaren ezagutza sakontzeko aukera emango dio.

    Oraindik plaza libreak daude Luciaren ikastarorako, eta benetan gomendatzen dugu izena lehenbailehen ematea. Ez galdu aukera eta ziurtatu parte hartzeko zure tokia.

     

  • 7. PDF martxan!

    7. PDF martxan!

     

    Euskal Herriko zazpi probintzietako sortzaile eta dantza-konpainientzako deialdia zabaldu dugu! Zure proposamena ezagutarazteko eta Pasaiako Dantza Jaialdian parte hartzeko aukera paregabea duzu.

     

    Zazpigarren urtez jarraian, Pasaiak dantzaren erdigune izateko konpromisoa berretsi du. Jaialdia, urtez urte, Euskal Herriko eta inguruko dantza zaleentzat ezinbesteko topagune bihurtzen ari da, eta bere izaera artistiko, sozial eta kulturalari esker, gero eta indar handiagoa hartzen ari da dantza panoraman. Pasaiako kale eta espazio publikoak, lau egunez, dantza garaikidearen, sormenaren eta elkarbizitzaren epizentro bihurtuko dira.

    Jaialdiak herritarren parte-hartzea sustatzeaz gain, bertako sormena bultzatzea eta Euskal Herriko dantzaren panorama aberastea du helburu. Herrian bertan sortutako lan hunkigarri eta originalek, egungo dantza garaikideko proposamen garrantzitsuenekin batera, kalitatezko esperientzia artistikoa eskainiko dute. Kale espazioek, gainera, giro atsegin eta ireki batean erlazionatzeko eta arteaz gozatzeko aukera emango diete ikusleei.

    Zergatik parte hartu?

    Pasaiako Dantza Jaialdia ez da soilik dantza-erakustaldi bat; kultur espazioa eta sortzaileentzako plataforma paregabea ere bada. Emanaldi bakoitza orekaz eta inklusio irizpideekin hautatzen da, programazio parte-hartzaile, parekide eta anitza eskaintzeko. Jaialdia dantzaren mugak gainditzen dituen hitzordu kultural bihurtu da, bertako eta nazioarteko sortzaileen topagune izanik.

    Jaialdiak publiko zabala erakartzen du: Pasaiako bizilagunek, inguruko herrietako ikusleek eta dantzaren zaleek euren egutegian gorriz markatzen dute hitzordu hau. Dantzaren bidez komunitatean loturak sortzeko eta sormen berriaren ernamuina izateko gune bikaina da.

    Zure proposamena baduzu? Aurkeztu orain!

    Dantza edo arte eszenikoen alorrean proposamen bat baduzu, ez galdu aukera hau eta partekatu zure sorkuntza gurekin. Pasaiako kaleak zure oholtzarik onena izan daitezke! Proiektuak aurkezteko epea zabalik dago dagoeneko, eta zure hautagaitza helarazi dezakezu www.pasaiakodantzafestibala.info helbidean. Aukera hau zure ideiak ezagutzera emateko eta publiko zabal baten aurrean aurkezteko aproposa da.

    Ez itxaron gehiago eta izan jaialdi berezi honen parte!

    Gogoratu azken edizioaren arrakasta

    Gogoratu, gainera, azken edizioan jaialdiak izandako arrakasta. Hainbat dantza-konpainiak eta sortzailek hartu zuten parte, eta ikusleen erantzuna bikaina izan zen. Jaialdiaren izaera partekatu eta hurbilak, proposamen artistiko indartsuekin batera, Pasaiako kaleak artearen agertoki bihurtu zituzten.

    Bien bitartean, azken edizioko irudiez gozatzeko gonbidapena luzatzen dizugu. Inspirazioa pizteko eta hurrengo edizioaren zirrara aurrez aurre irudikatzeko aukera ezin hobea duzu.

    Ez galdu aukera, eta batu Pasaiako Dantza Jaialdiaren historian kapitulu berri bat idaztera!

     

  • SORMEN BIDEAN

    SORMEN BIDEAN

    Pixkanaka-pixkanaka forma hartzen ari da Martxoan aurkeztuko dugun OTS ikuskizuna. Jone San Martin dantzari eta sortzaileak aldaketa sakona ekarri digu gure ohiko lanean, dantza tradizionalaren eta garaikidearen arteko mugan murgilduz, gorputzen mugimendua eta haien arteko erlazioa aztertuz. Benetan emaitza interesgarria.

    Musikaren erabilera ere errotik aldatu digu Jonek. Abestiak koreografiatzeko ohiko modua alde batera utzi dugu, eta orain, Manu Gaigne-k Herri Gogoa disketxearen katalogo eder eta amaigabetik sortuko duen espazio sonoroaren bidez, koreografia bakoitzari berezko musika bilatzen ari gara.

    Oraindik erabateko emaitza zein izango den ez dakigun arren, gure barnean oso susmo onak pizten ari dira.

     

     

    Dantza lan hau “Herri Gogoa”, euskal herriko lehen zigilu diskografikoan islatutako mugimendu kultural abangoardista berrinterpretatzeko bultzada gisa sortzen da. Zentsura zela eta, zigilu hori inoiz ofizialki existitu ez bazen ere, berrehun diskotik gora argitaratzea lortu zuen euskal kultura biziberritu eta berritzeko helburuarekin.

    “OTS” dantza garaikideko lan soil bat baino gehiago da. Jone San Martin, nazioarteko ospea duen dantzari eta sortzaile Donostiarrak sortutako koreografiak, oroitzapenak asetzea, harritzea, gogora ekartzea eta, batez ere, mugimendu hark herri-kontzientzia bultzatzeko eta artea herriari hurbiltzeko izan zuen beharra transmititzea bait du helburutzat.

    Legatu baten gainean eraikitako lana…

     

  • Urak dakarrena, urak darama.

    Urak dakarrena, urak darama.

    UR BIZITAN ikuskizunak bere azken agurra eskainiko du urriaren 26an, Lasarteko Manuel Lekuona Kultur Etxean.

     

    Pandemia osteko hilabete haietan hasi genuen sorkuntza prozesua. Txurriategi baserrian izandako esperientzia, Joxi eta Juanirekin egindako elkarrizketak, Koldoren ideiak, Pascalekin sortutako musika, eta Anoetako auditorioan Olatzekin egindako ahots eta antzezpen lanak… Guztiak pixkanaka forma hartu zuen, eta musikariekin egindako entseguek, argiztapenak eta jantziek azken ukitua eman zioten. Egin eta desegin, probatu eta moldatu, eta 2022ko martxoan lehen emanaldia eskaini genuen Tolosako Leidor aretoan.

    Gehiago egitea gustatuko litzaiguke, askoz gehiago, baina errealitatea bestelakoa da. Hala ere, pozik gaude, izan ere, emanaldi kopurua baino, bakoitzaren kalitatea da benetan garrantzitsua. Dantzari, musikari eta teknikarien lanari esker, mimo eta pasioz egindako bira izan da.

    Asko ikasi dugu bidean, gure arteaz eta bizitzaz. Eta betiko barnean eramango ditugun istorio ugari geratu zaizkigu.

    Eskerrak eman nahi dizkizuegu bidean lagun izan zareten guztioi: lagun, senide, ikusle, jarraitzaile, programatzaile eta teknikariei. Egia da agur esaten sekula ez dela erraza, baina eskura ditugun proiektu berriekin aurrera begira gaude. Egindakoak merezi izan duela badakigu, eta hau da ondoen egiten dakiguna, edo behintzat gehien gozarazten diguna.

     

    Hortxe duzue gonbidapena, emanaldi honetaz gozatzeko aukera izan ez duzuenontzat, eta baita ikusi duzuenontzat ere. Zatozte urriaren 26an Lasartera, azken aukera izango baita!

     

    Hartu zure sarrerak Kultur Etxean bertan edo Kutxasarrerak plataforman!

     

     

     

  • Proposamenak jasotzeko epea zabalik.

    Proposamenak jasotzeko epea zabalik.

    PASAIAKO DANTZA FESTIBALAren 6. edizioa 2024ko ekainaren 6tik 9ra ospatuko da. Hori dela-eta, bertan parte hartu nahi duten Euskal Herriko sortzaile eta dantza konpainiei deialdia egiten diegu, data hauetan eskaintzeko prest izango dituzten lanen berri eman diezaguten. Proposamen bilketa hau baliagarri izango zaigu, dantza sorkuntzen eta konpainien egoera aztertzeko eta jaialdiaren egitaraua osatzeko.

    PASAIAKO DANTZA FESTIBALAK jaialdi parte-hartzaile, parekide eta integratzailea izateko asmoarekin dihardu lanean. Dantza gizarteratzeko eta ikusle berriak erakartzeko, dantza sortzaileen lanak erakusteaz gain, bide ezberdinen bidez dantza herritarrei hurbiltzeko tailer, erakusketa eta hitzaldiek osatuko dute egitaraua.

    PARTE-HARTZAILEAK

    Euskal Herriko zazpi probintzietako sortzaile nahiz konpainiek bidalitako proposamenak onartuko dira. Iraupen motz zein ertaineko piezak izan beharko dira, kalean zein ezohiko espazioetan eskaintzeko sortu direnak.

    PROPOSAMENAK AURKEZTEKO MODUA

    Proposamena aurkezteko, jaialdiaren webgunean dagoen inprimakia bete behar da.

    EPEA

    Proposamenak aurkezteko epea 2023ko azaroaren 30ra arte egongo da zabalik.

     

    Proposamena aurkezteko, jaialdiaren webgunean:

    www.pasaiakodantzafestibala.info

    Hemen aurkitu dezakezue azken edizioko bideo laburpena:

  • Hik Dantza Landu 2023

    Hik Dantza Landu 2023

    Atzo egin zuten Amaiurrek eta Aiertek dantzagunean, aurtengo HIK DANTZA LANDUko aurkezpen argazkia.

    Ikasturtean burutuko diren dantzari profesionalentzako etengabeko formakuntzarako izen-ematea irekia dago dagoenenko gure webgunean.

    Hik Dantza Landu, Haatik Dantza Konpainiak, Gipuzkoako Dantzagunearekin elkarlanean eta Eusko Jaurlaritzaren Hezkuntza eta Kultur Sailaren laguntzarekin antolatzen dituen dantzari profesionalentzako etengabeko formakuntza programa da.

    Maiatzean hasi eta abenduan amaituko den V. edizioa osatuko duten ekintzak aurkeztu dituzte Aiert Beobide, Haatik Dantza Konpainiako eta Hik Dantza programaren zuzendariak (Dantzaren formazio, sentsibilizazio eta zabalkunderako egitasmoa) eta Amaiur Luluaga, Hik Dantza Landu formakuntza ekintzen koordinatzaileak.

    Hona, aurtengo edizioan izango ditugun irakasleen/konpainia gonbidatuak:

    Lorena Nogal, Natalia Fernandes, La Macana, Antonio Ruz eta La Intrusa.

     

    IZEN EMATEA ETA INFORMAZIOA:

          Izen ematea    

     

  • UR – A CIELO ABIERTO sarean

    UR – A CIELO ABIERTO sarean

    Bai, hau da poza!! Duela aste batzuk MAX SARIetako hautagaitzak pozez hartu bagenituen, #ACIELOABIERTO dantza jaialdien 2023ko sarearen partaide izateak oraindik eta poz handiagoa sortu digu.
    Honi esker udaberri-uda honetan #URikuskizuna estatuko dantza jaialdi garrantzitsuenetan aurkeztuko bait degu.
    Laister kontatuko dizuegu zein jaialdietan egongo garen, baina jakin izugarriak direla!
    Mila esker ❤️sarea osatzen duzuen jaialdieri gure lana aukeratzeagatik.

    Seleccionadas las Compañías Acieloabierto 2023

  • MAX SARIETAN 5 HAUTAGAITZA!

    MAX SARIETAN 5 HAUTAGAITZA!

     XXVI. Arte Eszenikoetako Max Sarietan izena emandako 529  (inoizko zifrarik altuena) ikuskizunetatik 168 hautatu dituzte lehen fasean.  Haatik Konpainiak bost izendapen jaso ditu, ‘Ur’ eta ‘Ur bizitan’ ikuskizunengatik:

    UR BIZITAN – Dantza lan onena.

    UR – Kalerako ikuskizun onena.

    IÑIGO ETXEBERRIA – Dantzari onena Ur Bizitan lanagatik.

    JON ARSUAGA – Dantzari onena Ur Bizitan lanagatik.

    UR BIZITAN – Produkzio lan onena.

    Lehen hautaketa-fase horren ondoren, lurralde-epaimahaietako hiru lehendakariek eta Arte Eszenikoetako lau pertsona ospetsuk osatutako epaimahai batek erabakiko du Arte Eszenikoen XXVI. Max Sarira lehiatuko diren 20 kategorietako finalistak zein izango diren.
    .
    Sariak banatzeko ekitaldia 2023ko apirilaren 17an izango da, Cádizko Gran Falla antzokian.
    .
    .
    Arte Eszenikoen Max Sariak© 1998an sortu zituen Egile eta Editoreen Elkarte Nagusiak, Arte Eszenikoen arloan urteko ekoizpen garrantzitsuenen kalitatea eta profesionalen lana saritzeko eta aitortzeko.
    .
    .
    Max© sarien galarako izaera ibiltaria eta gune enblematikoenhautaketa dira haren berezitasun ukaezinaren ezaugarri. Hala, urtero,sari horiek autonomia-erkidego batetik bestera bidaiatzen dute berenjai-ekipaje ikusgarriarekin, antzerki eta dantza konpainien biren metafora gisa, arte eszenikoak arte bizi eta aktibo bihurtuz gure herrialdean, eta gure kultura-aberastasunaren erreferente garrantzitsu bihurtuz.
    INFO + :  https://www.premiosmax.com
  • PASAIAKO DANTZA FESTIBALAREN EGITARAUA OSATZEKO PROPOSAMENAK JASOTZEKO EPEA ZABALIK

    PASAIAKO DANTZA FESTIBALAREN EGITARAUA OSATZEKO PROPOSAMENAK JASOTZEKO EPEA ZABALIK

    PASAIAKO DANTZA FESTIBALAren 5. edizioa 2023ko ekainaren 8tik 11ra ospatuko da. Hori dela-eta, bertan parte hartu nahi duten Euskal Herriko sortzaile eta dantza konpainiei deialdia egiten diegu, data hauetan eskaintzeko prest izango dituzten lanen berri eman diezaguten. Proposamen bilketa hau baliagarri izango zaigu, dantza sorkuntzen eta konpainien egoera aztertzeko eta jaialdiaren egitaraua osatzeko.

    PASAIAKO DANTZA FESTIBALAK jaialdi parte-hartzaile, parekide eta integratzailea izateko asmoarekin dihardu lanean. Dantza gizarteratzeko eta ikusle berriak erakartzeko, dantza sortzaileen lanak erakusteaz gain, bide ezberdinen bidez dantza herritarrei hurbiltzeko tailer, erakusketa eta hitzaldiek osatuko dute egitaraua.

    PARTE-HARTZAILEAK

    Euskal Herriko zazpi probintzietako sortzaile nahiz konpainiek bidalitako proposamenak onartuko dira. Iraupen motz zein ertaineko piezak izan beharko dira, kalean zein ezohiko espazioetan eskaintzeko sortu direnak.

    PROPOSAMENAK AURKEZTEKO MODUA

    Proposamena aurkezteko, jaialdiaren webgunean dagoen inprimakia bete behar da.

    EPEA

    Proposamenak aurkezteko epea 2022ko azaroaren 28ra arte egongo da zabalik.

     

    Proposamena aurkezteko, jaialdiaren webgunean:

    www.pasaiakodantzafestibala.info

     

  • Shared Levitation – Erakustaldi irekia

    Shared Levitation – Erakustaldi irekia

    HIK DANTZA LANDU programa barnean eskainiko duten ikastaroa eskaintzera Euskal Herrira bidaiatuko dutela aprobetxatuz, Azaroak 5ean Shared Levitation plataforma osatzen duten Marion Sparber eta Alan Fuentes Guerrak SEELENGRUND ikuskizunaren erakustaldia eskainiko dute Gipuzkoako Dantzagunean.

     

    SEELENGRUND

     

    NOIZ: AZAROAK 5, 14TAN

    NON: DANTZAGUNEAN 

    IRAUPENA: 25 MIN.

    SARRERA LIBREA

     

    SINOPSIA:

    Gorputzean datza arimak, eta espazioan duen mugimendua da haren ispilua, garen bezalakoa egiten gaituenaren adierazpena.

    Dueto honetan, Marion Sparber eta Alan Fuentes Guerrak gizakiaren alderik sakonena islatzen dute, gutako bakoitza osotasunarekin nola konektatuta dagoen sakonduz.

    Elkarreragin dinamiko hori gogoeta bat da, espazioa irekitzeko eta arimaren barnealdea hiru dimentsioko adierazpen gisa hauteman daitekeen zerbait bihurtuz. 

    Ikusleak dimentsio berri batean sartzeko gonbita.

     

     

    FITXA ARTISTIKOA: 

    Kontzeptua, koreografia, interpreteak: Marion Sparber eta Alan Fuentes Guerra
    Argiztapen-diseinua: Crealight/Julian Marmsoler, Luca Bellemo
    Jantziak: Rebecca Dirler
    Ekoizpena: IDEA-Tanztheaterperformance

    Stiftung Südtiroler Sparkasse, Region Trentino-Südtirol, Amt für deutsche Kultur der autonomen Provinz Südtirol eta Comune of Bolzanoren laguntzarekin.

     

    SHARED LEVITATION:

    Shared Levitation Marion Sparber eta Alan Fuentes Guerrak sortutako dantza garaikideko eta partneringeko formakuntza eta ekintza plataforma da. Dantza akrobatikoan, salsan, arte martzialetan eta kontakt-inprobisazioan oinarritutako printzipioen nahasketa batean inspiratzen da Shared Levitation Partnering.  Marion eta Alanek  Europa, AEB, Asia eta Latinoamerikan eman ohi dituzte ikastaroak.